والنبي تبسم

Posted: February 14, 2012 in Uncategorized
Tags: , , ,

“تبسمك في وجه اخيك صدقة” صدق رسول الله (ص). والابتسامة تفتح الابواب المغلقة.

تخيل لو اننا بنقابل بعض دايما بابتسامة و بنحافظ علي النظر الي العيون “Eye Contact” دليلا علي المحبة والاحترام والوضوح.

وفي مصر حاولت مرارا وتكرارا تطبيق هذا الحل السحري لاظهار المودة والرحمة  والرقي في التعامل ولكن ذهبت محاولاتي سدي، بل ظن البعض اني متطفل او ادعي شيئا ما للحصول علي شيئا ما. لست بفاهم؟؟؟ فقررت ان ابحث عن سر فشلي في تطبيق هذه الطريقة في الابتسام والنظر في الاعين لاظهار مودتي واحترامي للجميع.

اولا وجدت انه من الصعب بل ومن النادر ان تتلاقي العيون في بلدنا الحبية وبالتالي فان “الابتسام بدون سبب قله ادب” بل ويعبر عن بلاهة واي “هبل في الجبل” ومن ثم فلا يوجد حاجه للابتسام في بلادنا الكئيبة.

 ولكن، لماذا لا تتلاقي الاعين في مصر؟ وبالتشاور والتحاور والتخابر (خابور في لغة العامة تعني الشخص صاحب التجارب والخبرة) اقتنعت بنظريه صديقي واخي “مصطفي لاشين” والتي تقول (ان احد الاسباب الجذرية لكثير من مشاكلنا المصرية ان المصري قد ترسخ في عقيدتة انه احسن واحد في الدنيا). وبالتطبيق العملي لهذه النظرية نجد انه يصعب علينا النظر الي من هم دوننا من العوام ولابد ان اكون انا المصري محط انظار واهتمام الاخرين. تفسير جميل وعجبني.

لاحظ ان نظرية صديقي العزيز تبين ببساطة اسباب العديد من مشاكلنا اليومية. عندك مثلا قانون البووز في السواقة في طرقات مصر المزحومة وتدخين السجائر في الاماكن العامة قي مصرنا المحروقة والقاء الزبالة في كل مكان بمصرنا المشمومة واستباحة كل شيء وتحريم مبدا الايثار في مصرنا المنهوبة.

ايضا هناك تفسير طبي بحت لعدم تلاقي الاعين وهو انه طبقا لحالة الاحباط العام في الشارع المصري  وظروف المعيشة الصعبة فانه يوجد ضغط شديد علي جفون الاعين  وعضلات الوجه تجعل من الصعب ان ننظر في عيون بعضنا البعض في بلدنا المذلولة وتصبح عمليه الابتسام عمليه شاقة تحتاج لجلسات علاج طبيعي بتكلفة غير طبيعية قد تؤدي الي حاله خمول تام او شلل كلي في بعض الاحيان.

وبالتدقيق والتمحيص اكتشقت الحقيقة الغائبة عني وهي ان العيون عندما تتلاقي تتحدث بصراحة وتخبر عن مكنون الانفس والسرائر وتعري الضمائر وهو الامر الذي لا طاقة لنا به. فجميعنا لديه من المشاكل والهموم والاسرار ما لا نريد ومالا نستطيع ان نبوح به.

فالكل يغض البصر من باب الفضيلة او من باب ستر العورات او من باب عدم تقليب المواجع. دلوقتي فهمت. فتجهمت وغضضت البصر وسرت وحيدا.

Advertisements
Comments
  1. Mohamed Elziat says:

    تبسم ما اأجملها من كلمات استأذي الفاضل

    صدقني العيب ليس في الابتسامه العيب في النفوس

    عندما ابتسم واضحك من قلبي مع احد الماره فانني اجد اني قد اهديته مالا محسوسا

    تخيل في مطار دبي هنا العمال بتوع النضافه يجوا يسلموا عليا بسبب الابتسامه في وجههم

    قد تكون رواتبهم زهيده ولكن اقسم بالله عندهم من الرضا ما قد يجعلني افكر في امري الف مره

    التبسم مشكله في مصر علشان سبب واحد بس زي ما تفضلت وقلت

    من كتر الهم والغيظ الناس خلاص ملت ما بقاش عندها نفس تضحك

    دايما بيقولواعلي مجتمعنا مجتمع درامي يميل للحزن

  2. amira says:

    اهلا بك في مصرنا الكئيبه ,ذات النفوس الغريبه , انت قولت في الاول ولخصت الموضوع الشخص المبتسم دا ملوش تفسير عند الناس غير انه ” شخص أهبل ” , دا التفسير الوحيد المنطقي الي بواقي العقول بتفسرها عندنا في مصر , حاول بقي تعمل اي حاجه جديده ماتت من مصطلحتنا وادفنت ,بنيه نشر الخير او عمل حاجه تبسط قلوب الي حواليك علشان تزيح الهموم والكآبه المسيطره مش هتلاقي غير تفسير واحد الحمد لله ” الشخص دا مش سهل دا اكيد ورا تصرفه دا حاجه عاوزها او بيدبر ليها ” هي دي التفسيرات الي بتتردد علي كل لسان , ومهما الواحد حاول وقال مش هضعف وهبتدي بنفسي واغير الي مش عاجبني بيبقي الكويس في وسط الوحشين شخص ” بــــــــــــــــــاد “و عاوز الحرق , مصر دي عاوزه تتهد وتتبني من اول وجديد ازاي الله اعلم 🙂

  3. amira says:

    ثانكث ثانكث 🙂

  4. واحد مصرى says:

    🙂

  5. nony waly says:

    مستر امير ممكن يكون المصريين مكنش عندهم ثقافة الابتسامة وتلاقى العيون وكتير منهم ميعرفوش ان ده الحل السحرى لكتير من المشاكل بين الناس وكتير منهم ميعرفوش ان الشخص الى بيعمل كده بيكون اد ايه شخص واثق من نفسة وبيكون شخص محبوب من الجميع والناس الى بتتعامل معاه بيكونوا حسين ان فية حاجة مميزة نفسهم يكونوا زيه واكيد حضرتك اعلم منى بده وبما ان مفروض ان الانسان مش بتطبق قاعدة التعميم فاكيد ان بعض المصريين بيطبقوا الحل السحرى ده وبما ان مصر دلوقتى فى مرحلة تغيير اتمنى انها تكون للاحسن لازم الناس كلها تتعلم الابتسامة فى وش بعض وتتلاقى عيونهم علشان يحسوا بالامان والتواصل مع بعض ولو كان فى بعض الناس الى بتفتكر ان اللى بيعمل كده بيكون عاوز حاجة تانية فانا متاكده انهم بيكونوا ناس مريضة وليس على المريض حرج وعلشان كده انا اتمنى من حضرتك ترجع لطريقك الاولانية وتعلم الناس ان التبسم فى وجه بعض وتلاقى العيون هو الطريقة الصحيحة للتعامل لان حضرتك قدوة فعلا لكل حد يعرفك وفى ناس كتير بتتعلم من حضرتك وده على فكرة مش موجاملة ولا كلام مرسل

    • Amir Kafafy says:

      شكرا جزيلا علي التعليق الجميل ده وانا فعلا سعيد جدا بيه ومتقلقيش انا مش حبطل ابتسم في وجوه الاخرين – انا بس بكتب بطريقه سميها متشائمة او ساخرة عشان كلنا ننتبه مش عشان نبكي علي اللي احنا فيه – المهم ان لما حد يقرا الموضوع ينتبه ويحاول يشوف احنا بنقول ايه او ايه الشيء الايجابي المفقود ويحاول يطبقه والله المستعان

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s