ما بين التخويف والتخريف والتخوين الي التراشق بوصف فلول واخوان وكنبة وعلماني وعالمة وعلامة والخ…….
الكلام سهل والشتيمة تعطي قدرا من الثقة لا بئس به والنتيجة ……………..خيبة بالويبة
مش حطول عليكو عشان انا زهقت من الكلام والرغي ع الفاضي واليكم أيها السادة فكرة بسيطة ونضيفه كمان.
اعراض المشكلة:
مصر زحمة – العربيات غالية – تلوث بيئي وسمعي ولفظي – أزمات وقود – حوادث – وقت بيضيع – شكلنا وحش اوي جوه مصر وبره مصر.
الحل:
في المدن والمحافظات المتوسطة والصغيرة مثل مدينتي الغالية طنطا او المنصورة او الأقصر واسوان.
1- يتم رصف الطرق واحلال كل محطات الوقود بمصدر طاقة كهربائية (عمود زي عمود الانارة كافي جدا)
2- المحافظ يقدم التماس برفع الجمارك علي العربيات التي تعمل بالطاقة الكهربائية (يا سلام لو يصنعوها جوه مصر دي زي لعب الأطفال ويمكن اسهل)
*عربية الجولف كافية جدا وتمنها 2-3 الاف دولار
3- تطبيق قانون بمنع سير العربات داخل المدن الا إذا كانت تعمل بالطاقة الكهربائية
4- العربات العادة تعمل بين المدن فقط
التطبيق:
– اسرع عربية جوة أي مدينه لا تزيد سرعتها عن 30 كم / ساعة ودي سرعة مناسبة جدا لاي عربية تعمل بالكهرباء
– كلنا عارفين ان المصريين مبيعرفوش يسوقوا وسيبنا من شغل السيرك والعروض الحلزونية اللي احنا بنشوفها في شوارعنا دي عشان دي مش شطارة دي قمة الهمجية. وبناءا عليه ده حل يخلينا نسهل عملية التنظيم المروري ونتعلم ازاي تعرف نسوق زي الناس المحترمة
– نحترم نفسينا ونحترم القانون واللي يخالف يضرب بالجزمة عشان الفساد اللي احنا عيشينو كل يوم بقي فساد وبائي
الفوائد:
1- حل صديق للبيئة
2- توفير تمن السيارات المبالغ فيه مقارنة بجميع دول العالم
3- تقليل الحوادث
4- توفير الوقود النفطي وتوفير فلوس ومساحة
5- شكلنا احسن كتيير
6- توفير في الوقت الضايع في الزحمة والركنة والهمجية
المطلوب:
اللي يعرف يوصل للمحافظ يروح يتحايل عليه عشان يشتغل بجد وكلنا نبطل كلام ونفوق شوية من الدروشه والوشوشه والدردشة لان مصر تعتبر في حاله حرب مفتوحة مع عدة أطراف اولهم احنا المصريين واللستة طويلة. وكفاية كده والله المستعان.
Amir Kafafy 
Good solution
But when u apply , u will face some problems …
1- city like tanta ,mansoura are very population and it has university and state head office , so you can not stop pressure
2-cars in egypt increase by more than 600000 cars yearly
3-my be apply good in new cities like new cairo , 6 october
I think we should think why too much people in street if we apply electronic services from home , may decrease population
Thank you for your subject and always I appreciate your opinion you
Thank you for sharing your thoughts Shukri
Also, this idea is part of the solution for your points (1) and (2).
يسلم لسانك يا امير.
Thank you
هو اكيد حل ممتاز وله فوائد كتير لكن وللاسف انا مش حابه اكون محبطه بس لو اتكلمت عن طنطا على سبيل المثال تقريبا خلاص الشورع مليانه عربيات وبيركنوا فى الشوارع صف ثالث كمان مش صف تانى بس ودلوقتى تقريبا فى كل اسرة فى حوالى من عربيتين لثلاثه فمعتقدش ان الناس ممكن يستغنوا عن كل ده ويقبلوا ان يكون فى العربيات دى تشتغل برا المدينه بس وداخل المدينه تشتغل العربيات بالكهربه هيكون صعب عليهم التضحيه الا فى حاله ان يكون فى حل وهو ان المسئولين او الاشخاص للى هيصنعوا العربيات اللى بالكهرباء ممكن يعملوا عرض للناس وهو استبدال السيارات لقديمه بالسيارات الجديده كنوع من التسهيل للناس علشان يستجيبوا للفكره ودا كن اولا
اما ثانيا احنا دلوقتى بصراحه بنشهد ازهى عصور لكهرباء بصراحه طبعا لقطع لظريف للكهرباء بسبب ان مفيش كهربا ونهم بيناشدوا المواطنين انهم يرشدوا لاستهلاك علشان طبعا نوفر شويه كهرباء علشنان نقلل قطع لكهرباء سعه ولا سعتين بس فى اليوم فدى ممكن تكون مشكله انه ممكن تعمل عبئ زياده على الكهرباء او ممكن بردو تحصل ازمه بسبب ان مفيش كهرباء وبالتالى الناس بردو هيتجمعوا فى الشوارع علشان مستنين دورهم فى الشحن فممكن يتكرر المنظر تانى اللى كلنا بنعانى منه دلوقتى وهو الازمه قدام البنزينات
طبعا دى كانت وجه نظرى اواللى فهمته من فكرة حضرتك لما فكرت فيها واكيد انا مش قصدى اى احباط بالعكس الفكرة كويسه طبعا لو اتنفذت صح وتلافوا اى نقاط سليبه فيها ودعموا نقاط الايجابيه علشان يكون عندنا حل للازمه مش ازمه تانيه
لا احباط ولا حاجه با نورهان – بس كل النقاط اللي عرضتيها اعراض المشكلة وانا شايف اني بقدم الحال لبعض الاعراض دي – ببساطه لو نفذنا الحل ده مش حتلاقي معظم الاعراض السابق ذكرها هذا والله اعلم