Archive for November, 2013

ان الصورة افضل من الف كلمة – ولكن لوحات ناجي العلي افضل من مليون رسالة في الفن والابداع وحب الوطن

Advertisements

أولا بهدوء ومن غير شتيمة…..مصر ليست بلد سياحية علي الاطلاق. مصر فيها اثار وفيها موارد سياحية ولكن ليست بها صناعة السياحة وفي فرق كبير بين امتلاك الموارد وإدارة الصناعة، مثلا أمريكا بلد عمرها كام ميت سنة وملهاش تاريخ قديم ولا حضارة كام الف سنة زي مصر ومع ذلك تعد بلد سياحي من الدرجة الاولي رغم ان مفيش اثار ولا احدي عجائب الدنيا السبع ولا أي انبهار بس عندهم إدارة وصناعة السياحة. ازاي؟

انا حاقولك ازاي بس بدل ما نتكلم عن أمريكا ونجيب في سيرة الناس الكبارة ، خلينا في مصر ونبتدئ بأهرامات الجيزة

الوضع الحالي (حاجة تكسف): انت لو فاكر ان السياح بيجوا مصر بينبهروا تبقي غلطان وخد مني واسمع ييقولوا علينا ايه: مصر بلد غير نظbnbnbnbnيفة

البائعين المتجولين مصدر ازعاج وتحرش وعدم اطمئنان

 ليه السائح بيدفع اضعاف المصري في كل حاجة تذاكر وسلع وخدمة واكل وشرب ونوم

مينفعش تشتري من مصر أي حاجة لان الناس بتضحك عليك وتغشك في الثمن

انا ممكن اقعد اعد حاجات وحاجات بس انا خدت بالي وانا قاعد اكتب من مصيبة سودة وهيا ان اللي بيخربوا السياحة في مصر هما نفسهم اللي شغالين فيها وبيسترزقوا منها. يعني بدل ما يطوروا ويبتكروا عشان السياحة تبقي صناعة بيخربوها وقلبوها سبوبة علي أساس ان السايح مش حيشوف وشك تاني

المشكلة ان الناس دي مش قادرة تفهم ان السايح ممكن يرجع تاني لو شاف خدمة صح وعاش تجربة مميزة مش عايز أتكلم عن الفرق في إدارة الرضا وادراة التجربة عشان ده كلام يزعل ولسه بدري عليه بس بمعادلة بسيطة السايح مش حيرجع تاني ودي خسارة بس في خسارة اكبر انه حيقول لاهله واصحابه اوعوا تروحوا مصر. وكل ده احنا بنحسبها فلوس ونسينا ان السايح ممكن يكون سفير لمصر في بلده وممكن يكون مستثمر وممكن يكون رجل تسويق او تشويق لسلعة او لفكرة او بصوت لمصر في مهرجان او رياضة او حفلة

انا ممكن اناظر واهتف كتير بس حابب احول الموجة علي قناة الحلول بدل بكانا علي الاطلال (الاهرامات)

حيتعمل مناقصة عالمية لرسم المنطقة من اول وجديد وزي م جدودنا عملوا اعجاز الأهرامات من الوف السنين حنرد الجميل ونزين المنطقة بلمسة سحرية وابتكار و معمار وفن وإخراج وصوت وضوء وهندسة وتكنولوجيا وكل حاجة ويكون ده حفظ الجميل للفراعنة وأول خطوة في إدارة السياحة. وبتوع المعمار والابتكار عندهم مشكله دايما في إيجاد الفكرة الرئيسية (The Theme) الباقي عندهم سهل، احنا الفكرة جاهزة (Theme) ومش محتاجة أي حاجة ، يلا بقي اشتغلوا…..

اعلان منطقة الاهرامات كمنطقة ترفيهية وجذب سياحي

صوت وضوء Giza Pyramids for Attraction & Entertainments

وتخيل معايا الخدمات

مع بوابات الدخول يوجد مرشد سياحي مدرب مهذب يجيد لغة القوم ومش عيب انه يكون من بلدهم لحد متتوفر الخامة اللي عايزينها

السايح ممكن يلف مع المرشد في جولة علي الخيول او الجمال اللي شكلها حلو وسليمة وصحتها حلوة او عربات الرمال ويكون في تجهيزات للأطفال واصحاب الاحتياجات الخاصة سماعات وعربيات ووسائل ترجمة

اه صحيح قبل ما انسي: مفيش حاجه اسمها بقشيش (Tips) او اكرامية او حلاوة يا حلاوة: بطلوا شحاته بقي سمعتنا بقيت طين جتكو البلاوي

ممكن جولة بهليكوتبر للمنطقة ومناطق تانيه وبسعر معقول

مع الجولة يوجد نشرات تعريفية بسيطة عن الاهرامات وتاريخها وجمالها

يوجد منطقة مطاعم ومشروبات ومثلجات والخ

في منطقة بازارات او محلات هدايا وتذكارات (Gift Shops) وفيها كل الحاجات اللي السايح نفسه يشتريها عن مصر والاهرامات بشرط السعر واحد ومناسب للجميع. صدقوني حيكسبوا اكتر

بعد كده في غرف عرض سينمائي (Exhibit Rooms) ودي فيها أفلام قصيرة عن الاهرامات وتاريخها وإنجازاتها. بشرط ان يقوم متخصصون في الفن والاعلام والإخراج بعمل هذه الأفلام ولو على الموضة تبقي (7D)

في عروض بالخيول والجمال وفنون فلكورية كل يوم وبلغات مختلفة

في مدينة ترفيهية والعاب من وحي التاريخ الفرعوني والسفاري والصحراء والسحر والمومياوات

تجربة كاملة للسايح فيها متعة ومعلومة ومشاهدة لاحدي عجائب صنع البشر علي مر التاريخ تخلي شكلنا حلو وتجيب فلوس والاهم انك هتخلي السايح يتكلم حلو عن مصر في بلده واغلب الظن حيجي تاني لو يقدر ولو مقدرش حيبعت حد وحيرشح مصر والأهرامات لغيره.

فلوس – استثمار – تسويق – فرص عمل – بداية نهضة – ادراة – إدارة – إدارة – ادا

الوزراء والمسؤولين في مصر لو قرروا يقروا الكلام ده في يوم من الأيام احتمال الفكرة تعجبهم بس التطبيق محتاج متخصصين وعشان منجبش مترجمين او حد يفتي من عنده. جيب مختص واشرحله الفكرة بسرعة وقوله اللي البوقين دول بالإنجليزي وهوا حيفهم

[Experience / knowledge Economy – Entertainment and Tourism Management – Service Quality Management – Word of Mouth Management – Customer Experience – Marketing  – Emotions Signature]

اللي حيشتم ربنا يسمحوا

انت حي فمن خلقك! أبواك؟ إذن من خلقهم !!

ان كان أبواك حقا قد جعلا فيك سر الحياة لكان قادران على ان يمحيا سر الممات ولكن هيهات.bnm

ان من يقدر ان يخلق من فناء يحق له ان يمنع الفناء. وما ابواك الا سبب وهناك من أراد وهو الذي يملك سر الحياة والممات معا. وقد خلقك وخلق ابويك من قبلك.

جدالك ان لكل موجود واجد إذن من وجد الاله ينقصه الكثير من التدبر.

ان تليفونك المحمول او حاسبك الشخصي يحمل من التكنولوجيا والتعقيدات ما يذهل العقل ولكن….

هل يستطيع جهازك المحمول او الكمبيوتر ان يدرك الغاية من تكوينه وتركيبه، لا يستطيع وذلك لان مصنعه أقدر وأعظم واشمل. ولو أدرك الكمبيوتر سر وجوده لتفوق على الانسان وهذا لا يليق. فما بالك تريد ان تعرف سر الخالق وتدركه بحواسك. لن تستطيع لان إدراك الاله يتطلب الإحاطة به وان تتفوق عليه في المكان والمادة.

تخيل معي الحاسب الالي بعد ألف سنة، بالطبع سوف يكون جهاز خارق ولكن هل من الممكن ان يدعي أحد ان الحاسب الشخصي قد قام بصنع نفسه، او انه وليد صدفة. لا اعتقد.

نعود اليك انت أيها الانسان بكل ما يكمن فيك من تقنيات وحواس وخصائص فائقة الصنع هل يجوز ان يكون خلقك ضرب من الحظ! حتما لا يجوز.

ان نشـأة الانسان من التطور ونظريات النشوء محضت من قبل كثير من العلماء ولكن عقلك الجدلي مازال ينكر مجهود العلماء ويركن الي النظرية الفرضية دون برهان. وبعيدا عن العلم البيولوجي واليك هذا السؤال البسيط لو ان الانسان من سلالة القرود فلماذا لم يتحول كل القرود الي بشر؟ ولماذا لم يستمر التطور للإنسان ليصبح شيئا اخر او يتحول الي صورة مغايرة. ان الانسان علي وضعه وهيئته من الوف السنين لماذا لم يتغير؟

انت تدعي أنك إله نفسك وانت لا تملك ضرا ولا نفعا. لا تستطيع ان تمنع حزنا او غما او مرضا، لا تستطيع ان تظل فرحا. وجدت من لا شيء ولكن لا تستطيع ان تبقي ابديا كيف تكون إلها لذاتك؟ انت إله التمرد والعصيان والجدل

انت تدعي التحضر والفكر وإعمال العقل وانت ابعد ما يكون من التطبيق. انت تعمل عقلك في اتجاه مغاير للفطرة وتحاول جاهدا لاهثا دون جدوى اثبات ان لا إله. ولو اعملت العقل المحايد لأدركت حقائق وبراهين ورأيت جوانب اخري تفند كل ما تدعي وتدعون ولأيقنت بعبوديتك لإله قادر خالق سبحانه وتعالي عما يصفون.