التفكير ام التكفير

Posted: December 6, 2013 in Uncategorized
Tags: , , , , , ,

ايهما أسهل التفكير ام التكفير؟

انا قضيتي مش السياسة. انا قضيتي الانسان. وحاليا مع موضة الدستور واقصد بالموضة ان الحديث الان عن الدستور في الاعلام بكل حواسه مرئي ومسموع وخلوي وغيره لحد ما يجي حاجه تانيه ونتكلم فيها وننسي اللي قبلها

اللي يحزن ان شايف افراد بعينهم ليهم مواقف اختلفت في ظرف سنة. ايه الفرق بين نسخة الدستور دي واللي قابليها؟ بصراحة مش عارف اوي رغم إني قريت النسختين بس اعتقد ان الدستور وثيقة فريده تحتاج الي خبراء لإبداء الراي مش لأي حد قرا الدستور زي حالاتي. وارجع تاني وأقول الدستور مجرد مثل لأني لا اهوي السياسة انا هدفي الانسان الواعي القادر علي اتخاذ القرار بعيد عن الاهواءindex

 فكر أولا ثم اعد التفكير. الان وما يحدث بمصرنا العزيزة كفر أولا ثم ركز علي التكفير

اللي بيحصل واللي حصل في الدستور السابق وحيحصل في الدساتير القادمة ان الحكم علي الأشخاص مش علي المضمون. ده دستور كتبه اخوان او مشايخ انصاف متعلمين ونسيوا الرموز الوطنية والكوادر العلمية. وده دستور كتبه رقاصين وعوالم ونسيوا اهل الدين والعلم. والحقيقة ان الحكم علي المضمون ممسوس بالحكم علي الأشخاص والانتماءات

بمنتهي البساطة الدستور لازم يكون مصري ويخدم مصر. امال فين المشكلة؟

المشكلة اللي شايفها ان الانسان المصري اصبح لغز. انا شايف اخوان وسلف وفلول وثوار وانقلابيين وغيره وغيره بس مش شايف مصري. تفتكروا التحزب والتعصب والجدل حيصلح بلد فيها كم من المشاكل كافي انه يقضي علي حضارة عظمي

قالك لازم الحل يكون من فوق، ادينا شيلنا مبارك اللي مفيش خلاف عليه – مليش دعوة بمرسي – ايه اللي حصل؟ ليه متغيرناش؟

لان الأساس غير سليم. لان العقل والجسد فاسد ولن ينتج الا سياسة او ممارسة فاسدة. المشكلة ان انا وانت فاسدين ومش هي دي المشكلة. المشكلة أننا مكسلين. سهل اوي ان اقول ان الكل فاسد ولازم يتحاسب بس انا مغيرتش من نفسي. الوم غيري وانا اهل الملام

ازاي عايزين مصر ترجع تاني ومش عارف ترجع علي فين عشان اخر مرة حسب علمي بتاريخ مصر كانت بلد بجد كانت ايام محمد علي ولو قولتلي محمد علي مينفعش عشان كان ألباني وكنا تحت الحكم العثماني يبقي خد نفس عميق وانسي لان اللي قبل منه كانت اخر اسرة فرعونية من كام الف سنة ومن زمانها مشفتش حضارة

عايز انسان مصري يقول انه أخطا ويعترف ان له من الفساد جانب عايز مسئول يقول الحقيقة ان وزارته فيها فساد وجهل ومحسوبية. الكل فاسد مش عيب لو بدانا نشوف ونقرر ونغير. العيب ان مع كل الفساد في الضماير والعيون والوعي مش عايزين نتغير. عايزين غيرنا يتغير

ازاي وزير الداخلية مقتنع ان الضباط كلهم تمام وفي خدمة الشعب؟ ازاي وزير العدل متاكد ان القضاء المصري نزيه 100 % ازاي مؤسسة الجيش لا تخلو من الفساد؟ ازاي كل وزارة انظف واحسن وزارة بس المشكلة في الشعب؟؟؟؟ وكـأن كل واحد بيفكر ويقول هوا ليه الكل فاسد الا انا؟

ازاي حنحل واحنا مش عارفين المشكلة فين؟ المشكلة فينا احنا المصريين احنا الشعب؟ عايزين نتكلم ونمنم ونتمرد بس مش عايزين نتغير. قولي الحقيقة واكشف الغطاء عن الفساد والجهل واللاوعي ثم معا شعب ومسؤولون نبدأ التغيير

في القران الكريم (وإذا أردنا أن نهلك قرية أمرنا مترفيها ففسقوا فيها فحق عليها القول فدمرناها تدميرا) وسؤالي هل الهلاك مقدر بأكابر المجرمين والمسؤولين ام بفسوق الغالبية العظمي؟

لو الاغلب فاسد لولي الفاسد ولو الاغلب صالح لولي الصالح وفي القران الكريم (إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ)

هذا والله اعلم

 

Advertisements
Comments
  1. Mohamed elgaaly says:

    الله يفتح عليك يا أمير

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s